धरान । नेकपा एमाले कोशी प्रदेश कमिटी सचिवालय सदस्यसमेत रहेका धरानका प्रभावशाली एमाले नेता मुरारी सुवेदीले गोरु खाएर चौकमा तमासा नदेखाउँन चेतावनी दिएका छन् ।
धरानमा गोरु काटेर खाएको बिषयलाई लिएर पक्ष–विपक्षमा बहस भइरहेका बेला एमाले नेता सुवेदीले मंगलबार सामाजिक सञ्जाल (फेसबुक) मार्फत यस्तो धारणा राखेका हुन् ।
‘गोरु काटेर खाउ वा जे खाउ यसमा केही छैन, तर चौकमा तमासा देखाएर खुट्टा र सिंगै टाउको खाँदै नियतवस सामाजिक उत्तेजना नफैलाउ भन्ने हो ।’ उनले भनेका छन्, ‘सबै विषयका सीमा, आचारसंहिता र सामाजिक मर्यादा हुन्छन्, ती पालना गर्नै पर्छ । सबैले पालना गरौं ।’
नियमित गोरू वध गर्ने वधशाला व्यवस्थित वनाउन विगतमा धरानमा स्थानीय सरकारले तदारूकता देखाएकोसमेत उनले बताएका छन् ।
नेता सुवेदी धरान उपमहानगरपालिकाकी पूर्व उपमेयर मञ्जु भण्डारीका श्रीमानसमेत हुन् ।
