सुनसरी । कोशी प्रदेशमा नेकपा (माओवादी केन्द्र) ले सरकारलाई दिएको समर्थन फिर्ता लिएको छ ।
मंगलबार माओवादीले नेकपा (एमाले) का मुख्यमन्त्री हिक्मत कार्की नेतृत्वको सरकारलाई दिएको समर्थन फिर्ता लिएको हो ।
माओवादी संसदीय दलको मंगलबार बसेको बैठकले सरकारलाई दिएको समर्थन फिर्ता लिनुका साथै आफ्नो पार्टीको तर्फबाट बनेका मन्त्रीहरूलाई समेत फिर्ता बोलाउने निर्णय गरेको माओवादी नेता इन्द्र बहादुर आङ्वोले जानकारी दिए ।
एमाले, माओवादी, जसपा लगायतको गठबन्धन बनेर पुस २५ गते मुख्यमन्त्री कार्की नेतृत्वमा सरकार गठन भएको थियो ।
जसपाले यसअघि नै समर्थन फिर्ता लिइसकेको छ । कार्की नेतृत्वको सरकारलाई अब राप्रपाको मात्रै समर्थन रहेको छ । ९३ सदस्यीय प्रदेशसभामा कार्की नेतृत्वको सरकारसँग एमालेको ४० र राप्रपाको ६ गरी ४६ प्रदेश सांसदको मात्रै समर्थन रहेकाले सरकार स्वत अल्पमतमा परेको छ ।
माओवादीको समर्थन फिर्तासँगै कार्की नेतृत्वको सरकारले ३० दिन भित्र विश्वासको मत लिनुपर्ने संवैधानिक व्यवस्था छ । यदि उक्त अवधिमा प्रदेश बहुमत प्राप्त गर्न नसकेका कार्की नेतृत्वको सरकार ढल्नेछ ।
Discussion about this post