रामधुनी । सुनसरीको रामधुनी नगरपालिका वडा नम्बर ९ का ७५ बर्षीया बृद्धा सोनालाल चौधरीले नेपाली नागरिकता पाएका छन् । आइतबार जिल्ला प्रशासन कार्यालय सुनसरीबाट उनले नागरिकता पाएका हुन् ।
बिगत लामो समयदेखि मानसिक समस्याका कारण चौधरी आफैले नागरिकता बनाउन सक्ने स्थितिमा थिएनन् । त्यसैले राज्यबाट प्राप्त हुने सामाजिक सुरक्षा भत्ता लिने लगायत कार्यमा सहजता होस् भनेर नागरिकता दिलाउन पहल गरिएको रामधुनी–९ नम्बर वडामा कार्यरत कर्मचारी विजय चौधरीले बताए ।
उनका अनुसार जिल्ला प्रशासन कार्यालय सुनसरीका प्रशासकिय अधिकृत केशव खतिवडा, वडा अध्यक्ष घनश्याम चौधरी लगायत स्थानीयको पहलमा चौधरीले नागरिकता पाएका हुन् ।
Discussion about this post