सुनसरी । चर्चित लेखक बुद्धिसागरद्वारा लिखित उपन्यास ‘एक्लो’ लोकार्पण गरिएको छ ।
शनिबार काठमाडौंको नेपाल प्रज्ञा–प्रतिष्ठानको डबलीमा आयोजित कार्यक्रममा उक्त पुस्तक लोकार्पण गरिएको हो । गोलाप्रथाद्वारा छानिएका १० पाठकले पुस्तक सार्वजनिक गरे ।
पुस्तक सार्वजनिक भएपछि लेखक बुद्धिसागरले आफू निकै भावुक भएको बताएका थिए ।
बुद्धिसागरले पाठकसँग भेटिनु आफ्ना लागि लेखनको ऊर्जा रहेको पनि उल्लेख गरे । लेखकले कथा कल्पँदा पाठकले पात्र पाउने र पाठकले कथा पढ्दा लेखकले अनेक अनूभूति पाउने उनको भनाइ छ । ‘यो लेनदेन चलिरहन्छ र मेरा लागि यो संसारकै मिठो लेनदेन हो, यो चलिरहोस् ।’ उनले भने ।
यसअघि, बुद्धिसागरका ‘कर्नाली ब्लुज’ र ‘फिरफिरे’ उपन्यास तथा ‘बुद्धिसागरका कविता’ फाइनप्रिन्टबाट प्रकाशित छन् । ‘एक्लो’ उपन्यास पनि फाइनप्रिन्टले नै प्रकाशन गरेको हो ।
Discussion about this post