रामधुनी । रामधुनी नगरपालिकाले झुम्का बजारमा ५ बेडको झुम्का आधारभूत अस्पताल सञ्चालनमा ल्याएर थप व्यवस्थित बनाउँने नीति लिएको छ ।
गत पुष २८ गते सम्पन्न रामधुनीको १७ औँ नगर सभाबाट एक करोड ४९ लाख ५० हजार रुपैयाँ बजेट बिनियोजन गरेर आवश्यक व्यवस्थापनसहित गत बैशाख २९ गते अस्पताल उद्घाटन गरेको नगरपालिकाले थप व्यवस्थित गर्ने नीति लिएर आगामी आर्थिक बर्षसमेत बजेट विनियोजन गरेको छ ।
नगर प्रमुख शंकरलाल चौधरीले रामधुनीको १८ औँ नगर सभामा आर्थिक बर्ष ०८२/०८३ को नीति तथा कार्यक्रम प्रस्तुत गर्दै हस्पिटलका लागि एक करोड ८१ लाख बजेट विनियोजन गरेका छन् ।
नगर प्रमुख शंकरलाल चौधरीले नागरिकले पाउनुपर्ने स्वास्थ्य सेवा राज्यको दायित्व भएको भन्दै अस्पतालले विपन्न नागरिकलाई धेरै फाइदा पुग्ने बताए । उनले भने, ‘विपन्न नागरिक निजी अस्पतालमा गएर उपचार गर्न सक्दैनन् । यस अस्पतालबाट नगरवासीले न्यूनतम शुल्कमा स्वास्थ्य सेवा पाउनेछन् । यसले विशेषगरी विपन्न वर्गलाई ठूलो राहत पर्याउँनेछ ।’
झुम्का बजारमा रहेको पुरानो नगरपालिकाको भवनलाई नगरपालिकाले हस्पिटलको रुपमा बिकास गरेको हो ।
(रामधुनीमा ६० काम ६० समाचार : स्थानीय तह निर्वाचन २०७९ देखि आजम्म समाचार श्रृङखला अन्तर्गत)
Discussion about this post