रामधुनी । रामधुनी नगरपालिकामा स्वास्थ्य सेवामा पहुँच विस्तार गर्ने उद्देश्यले स्वास्थ्य बीमा दर्ता सहयोगी र स्वास्थ्य स्वयंसेविकालाई साइकल हस्तान्तरण गरिएको छ । नगरस्तरीय र वडास्तरीय गरी सञ्चालन गरिएको कार्यक्रममा नगर क्षेत्रका १२ जना स्वास्थ्य बीमा दर्ता सहयोगी र वडा नम्बर ९ का ११ जना स्वास्थ्य स्वयंसेविकाले साइकल प्राप्त गरेका छन् ।
गत २९ चैतमा वडा कार्यालयले स्वास्थ्य स्वयंसेविकालाई साइकल प्रदान गरेको थियो भने १० बैशाखमा नगरपालिकाले स्वास्थ्य बीमा दर्ता सहयोगीलाई साइकल वितरण गरेको थियो । स्वास्थ्य विमाको पहुँच विस्तार गर्न र दर्ता सहजकर्ताको कामलाई थप प्रभावकारी बनाउन नगरपालिकाले करिब १ लाख रुपैयाँ बजेटबाट १२ जना दर्ता सहयोगीलाई साइकल, छाता, टिसर्ट र क्याप वितरण गरेको जिन्सी नगरपालिकाले जनाएको छ ।
प्रमुख प्रशासकीय अधिकृत प्रमोद कुमार चौधरीले सबै नगरवासीलाई स्वास्थ्य विमाको दायरामा ल्याउने अभियानमा सहजकर्ताको भूमिका महत्वपूर्ण हुने भएकाले बीमाको लाभ नागरिकसम्म पु¥याउनका लागि साइकल वितरण गरिएको बताए ।
उता, रामधुनी–९ ले वडास्तरीय कार्यक्रमबाट ८० हजार रुपैयाँको लागतमा ११ जना स्वयंसेविकालाई साइकल वितरण वितरण गरेको थियो । स्वयंसेविकाहरूले समुदायमा स्वास्थ्य सेवा पु¥याउन गरेको योगदान प्रशंसनीय भएको र पैदल हिँडेर सेवा दिन गाह्रो भएकाले अझ सहज र छरितो सेवाका लागि साइकल प्रदान गरिएको वडा अध्यक्ष घनश्याम चौधरीले बताए ।
स्वास्थ्य बीमा दर्ता सहयोगीले नागरिकलाई घरदैलोमै गएर स्वास्थ्य बीमाको महत्व, दर्ता प्रक्रिया र नवीकरण सम्बन्धी जानकारी दिँदै आएका छन् । साथै स्वयंसेविकाहरू गर्भवती र सुत्केरी महिलाको निगरानी, खोप कार्यक्रममा सहयोग, पोषण तथा स्वास्थ्य सचेतना अभिवृद्धिमा समेत सक्रिय रूपमा काम गर्दै आएका छन् ।
नगरपालिका र वडा कार्यालयको संयुक्त पहलले स्वास्थ्य सेवामा पहुँच अभिवृद्धि मात्र नभई नागरिकमा स्वास्थ्यप्रति चेतनासमेत बढाउने विश्वास गरिएको छ ।
(रामधुनीमा ६० काम ६० समाचार : स्थानीय तह निर्वाचन २०७९ देखि आजम्म समाचार श्रृङखला अन्तर्गत)
Discussion about this post