सुनसरी । कोशी प्रदेशका मुख्यमन्त्री हिक्मत कार्कीले नेपालको सार्वभौमसत्ताको पक्षमा दृढतापूर्वक उभिएर थारु समुदायले देशको रक्षामा ऐतिहासिक भूमिका निर्वाह गरेको बताएका छन् ।
शुक्रबार सुनसरीको रामधुनीमा चौथो राष्ट्रिय थारु चलचित्र तथा सांस्कृतिक महोत्सवलाई सम्बोधन गर्दै उनले थारु समुदायलाई राष्ट्रियता, सहिष्णुता र सहकार्यको प्रतीकको रूपमा व्याख्या गरे ।
आफ्नै भाषा, संस्कृति र बिशिष्ट पहिचानसँगै अन्य समुदायसँग एकता र सांस्कृतिक गतिबिधिमा थारु समुदायको सक्रियता प्रशंसनीय रहेको कार्कीको भनाई छ । थारु समुदायको बिकास र समृद्धिले राष्ट्रको समग्र विकासमा ठुलो टेवा पुग्ने उल्लेख गर्दै उनले प्रदेश सरकार थारु समुदायको सामाजिक, सांस्कृतिक र आर्थिक उन्नयनका लागि निरन्तर साथ दिन तयार रहेकोसमेत बताए ।
Discussion about this post