‘केपी ओलीमाथिको आक्रमण संघीय लोकतान्त्रिक गणतन्त्रप्रतिको प्रहार’

रामधुनी । रिटर्नी फेडेरेसन नेपाल, सुनसरी जिल्ला कार्यसमितिले नेकपा एमालेका अध्यक्ष केपी ओलीलाई लक्षित गरि झापामा गरिएको आक्रमण संघीय लोकतान्त्रिक गणतन्त्रप्रतिको प्रहार भएको आरोप लगाएको छ ।

फेडेरेसन सुनसरी जिल्ला कार्यसमितिको तर्फबाट अध्यक्ष खेमराज पौडेलले आइतबार एक विज्ञप्ति जारी गर्दै यस्तो अरोप लगाएका हुन् ।

विज्ञप्तिमा भनिएको छ, ‘…श्रदेय पार्टी अध्यक्षमाथि भएको प्रहार देशले हाँसिल गरेको संघीय लोकतान्त्रिक गणतन्त्रसहित समग्र परिवर्तप्रतिकै प्रहारको रुपमा फेडेरेसनले बुझेको छ ।’

कोशी प्रदेश नामाकरणपछि असन्तुष्ट पहिचान पक्षधरले केहि दिनअघि ओलीलाई कालो झन्डा देखाउनुका साथै झापा हुँदै इलाम जाने क्रममा बुद्धशान्तिमा अबरोध गरेका थिए ।