रामधुनी । रामधुनी नगरपालिकाले नागरिकको गुनासो डिजिटल माध्यमबाट सुन्न थालेको छ । नगरपालिकाले सञ्चालनमा ल्याएको ‘नमस्ते रामधुनी’ गुनासो सुनुवाइ प्रणालीमार्फत नागरिकले आफनो समस्या, सुझाव र गुनासो सहजै घरमै बसेर नगरपालिकासम्म पु¥याउन सक्ने भएका छन् ।
नागरिकले विगतमा वडामा वा नगरपालिकामा गएर मौखिक अथवा लिखित उजुरी दिनुपर्ने बाध्यता हटाउँदै अब मोबाइल र कम्प्युटरबाटै उजुरी गर्न सक्ने नगरपालिकाका सूचना प्रविधि अधिकृत सरोज कोइरालाले बताए । उनका अनुसार केही महिनाअघि मात्रै सुरु गरिएको यो डिजिटल प्रणालीमा हालसम्म २ वटा गुनासो सुन्ने काम सम्पन्न भइसकेको, ४ वटा गुनासो सम्बन्धित शाखामा समाधानका लागि पठाइएको र १ वटा नयाँ उजुरी हालै प्राप्त भएको छ ।
यो प्रणाली नगरपालिकालाई पूर्णरुपमा पारदर्शी र उत्तरदायी बनाउन तयार पारिएको हो । उजुरी दर्ता भएपछि सम्बन्धित शाखालाई सूचना जान्छ, समाधानको प्रक्रिया सुरु हुन्छ र उजुरीकर्ताले आफनो उजुरीको स्थितिसमेत थाहा पाउँनसक्छ ।
नगर प्रमुख शंकरलाल चौधरीका अनुसार ‘नमस्ते रामधुनी’ नागरिकसँग प्रत्यक्ष संवाद गर्ने प्लेटफर्म हो । उनले भने, ‘यसबाट नगरपालिका अझै बढी उत्तरदायी, जवाफदेही र जनमैत्री बन्नेछ । हामी नागरिकको समस्या सुन्न र समाधान गर्न गम्भीर छौं ।’
यस प्रणालीबाट सडक मर्मत, खानेपानी, फोहोर व्यवस्थापन, स्वास्थ्य सेवा, शिक्षा लगायत कुनै पनि सेवा सम्बन्धी गुनासो सजिलै दर्ता गर्न सकिने छ । नगरपालिकाले आगामी दिनमा यो प्रणालीलाई अझ प्रभावकारी बनाउने र आगामी साउँनदेखि थप व्यवस्थिन गर्नेछ ।
(रामधुनीमा ६० काम ६० समाचार : स्थानीय तह निर्वाचन २०७९ देखि आजम्म समाचार श्रृङखला अन्तर्गत)
Discussion about this post