धरान । धरान उपमहानगरपालिकाका नगर प्रमुख हर्क साम्पाङलाई पुस्पकमल दाहाल प्रचण्ड नेतृत्वको नेपाली कम्युनिष्ट पार्टीमा आउँन धरान–१७ का वडा अध्यक्ष मनोज भट्टराईले आग्रह गरेका छन् ।
बुधबार पत्रकारहरुसँगको कुराकानीमा अध्यक्ष भट्टराईले भने, ‘जुन पार्टीले यो व्यवस्था ल्याइदियो । त्यो व्यवस्थाभित्र उहाँ मेयर हुनुभयो । आज जुन मुद्धा उहाँले बोकेर हिडनुहुन्छ, त्यो माओवादीले ल्याइदिएको हो । हामी उहाँलाई नेपाली कम्युनिष्ट पार्टीमा स्वागत गर्न तयार छौँ ।’
मेयर साम्पाङले बोकेको पहिचानको मुद्धा यो मूलुकमा नेपाली कम्युनिष्ट पार्टीले ल्याएको भट्टराईले बताए ।
हर्क साम्पाङको उदायलाई भट्टराईले ‘हुरी’को संज्ञा दिएका छन् । उनले भने, ‘हामीभन्दा उहाँ पछाडिको राजनीतिज्ञ हो । हाम्रो इतिहास २०/२५ बर्षको छ । हामी पहिलो कार्यकाल वडा अध्यक्ष हुँदा उहाँ अभियान्ता हुनुहुन्थ्यो । हुरी चल्दा उहाँ अलिक अगाडि आउँनुभयो, त्यो बेग्लै कुरा हो ।’
नेपाली कम्युनिष्ट पार्टीका नेता रहेका अध्यक्ष भट्टराई तत्कालीन नेकपा माओवादी केन्द्र धरानका पूर्व अध्यक्षसमेत हुन् ।
Discussion about this post