रामधुनी । रामधुनी नगरपालिकामा लैंगिक समानता तथा सामाजिक समावेशीकरण परीक्षण सम्पन्न भएको छ । नगरपालिकाको सहकार्यमा शुभ युग मिडिया प्रा.लि. ले गरेको परीक्षणको अन्तिम प्रतिवेदन नगरपालिकालाई हस्तान्तरण गरिएको हो ।
शुभ युग मिडिया प्रा.लि.को तर्फबाट अध्यक्ष शिशिर भट्टराई र जेसी अडिटसम्बन्धी विज्ञ मोहन कुमार तिम्सिनाले संयुक्त रूपमा नगर उपप्रमुख तारा थापा र प्रमुख प्रशासकीय अधिकृत तेज नारायण यादवलाई प्रतिवेदन हस्तान्तरण गरेका हुन् ।
परीक्षणमार्फत नगरपालिकाको लैंगिक उत्तरदायित्व, सामाजिक समावेशीकरणको अवस्था, नीतिगत अभ्यास तथा सेवा प्रवाहको समग्र मूल्यांकन गरिएको जनाइएको छ । प्रतिवेदनमा प्राप्त निष्कर्ष तथा सुझावका आधारमा आगामी दिनमा समावेशी र उत्तरदायी स्थानीय शासन प्रवद्र्धनमा थप टेवा पुग्ने अपेक्षा गरिएको छ ।
नगरपालिकाले परीक्षण प्रक्रियाबाट प्राप्त सुझाव कार्यान्वयन गर्दै सेवा प्रवाह र बिकास निर्माणलाई थप समावेशी, प्रभावकारी र नागरिकमैत्री बनाउने नगर उपप्रमुख थापाले बताइन ।
Discussion about this post