रामधुनी । नेकपा एमालेको सुनसरी जिल्ला अधिवेशन अगामी जेठ ५, ६ र ७ गते इटहरीमा हुने भएको छ । आइतबार बसेको जिल्ला कमिटीको १२ औँ पूर्ण बैठकले अधिवेशनबारे निर्णय गरेको जिल्ला उपसचिव राम कोइरालाले जानकारी दिए ।
बैठकले बैशाख ३० गतेसम्म अधिवेशन प्रतिनिधि चयन गर्ने निर्णयसमेत गरेको छ । बैशाख २८ गते धरान, इटहरी, कोशी र हरीनगरमा अधिवेशन प्रतिनिधि चयन गरिनेछ । त्यस्तै, २९ गते इनरुवा, दुहवी, रामधुनी, वराहक्षेत्र तथा ३० गते भोक्राहानरसिंह, गढी, बर्जु र देवानगञ्जमा प्रतिनिधि छनौटको मिति तोकिएको छ । हाल जिल्ला कमिटीका पदाधिकारी तथा सदस्यहरु स्वतः आयोजक र प्रतिनिधि हुनेसमेत बैठकले निर्णय गरेको छ ।
बैठकको निर्णय अनुसार भुगोलतर्फ प्रतिनिधि छनौट गर्दा प्रत्येक वडाबाट ३५ संगठित सदस्य बराबर एक प्रतिनिधि हुनुपर्नेछ । बैठकले सचिव पर्शुराम यावदको संयोजकत्वमा प्रतिनिधि छनौट सहजिकरण समितिसमेत गठन गरेको छ । जसमा नन्द कुमार बस्नेत, सिर्जना नेपाली, सबिना सिग्देल, बाबुराम साह र कृष्ण प्रसाद भट्टराई सदस्य रहेका छन् ।
बैठकले अधिवेशन मूल व्यवस्थापन समिति तथा राजनीतिक सांगठानिक प्रतिबेदन लेखन उपसमितिको संयोजकमा अध्यक्ष रेवती रमण भण्डारीलाई तोकेको छ । त्यस्तै, आर्थिक व्यवस्थापन उपसमितिमा निलम खनाल, स्वंयसेवक परिचालन उपसमितिमा राम कोइराला, मञ्च तथा सभाहल व्यवस्थापन उपसमितिमा उमेश पौडेल, अतिथि सत्कार उपसमितिमा सिर्जना नेपाली, प्रचार प्रसार उपसमितिमा रवि खनाल, यातायात व्यवस्थापन उपसमितिमा गायत्री लम्साल र स्वास्थ्य सेवा उपसमितिमा सुभाष पौडेललाई संयोजक तोकिएको छ ।
यो पनि…
Discussion about this post